პროგრამული უზრუნველყოფის ხარისხის ინჟინერიის კურსის მიზანია სტუდენტმა შეისწავლოს პროგრამული უზრუნველყოფის ტესტირების როგორც თეორიული, ისე პრაქტიკული ნაწილი და სწორად განახორციელოს ტესტირების პროცესი თანამედროვე მიდგომების გამოყენებით. კურსის გავლის შემდეგ, სტუდენტებს შესაძლებლობა ექნებათ პროექტის ფარგლებში ტესტირების ყველა ეტაპზე ჩაერთონ - დაწყებული მოთხოვნების ანალიზიდან, მენუალ ტესტირების გეგმის/სტრატეგიის შექმნით და პროცესის წარმართვით, დასრულებული ტესტ ავტომატიზაციის საჭიროების განსაზღვრით, მისი დანერგვით და ავტომატიზირებული ტესტების შექმნით JavaScript -ის გამოყენებით.

სასწავლო კურსის შედეგები

კურსის მსმენელებს ეცოდინებათ და შეძლებენ:

• როგორ წარმართონ ტესტირების პროცესი სხვადასხვა გამოწვევების მქონე პროექტებისთვის;
• როგორ გააანალიზონ ბიზნეს მოთხოვნები და შექმნან სატესტო დოკუმენტაცია;
• რა მეთოდები, მიდგომები და ტექნიკები გამოიყენონ, როგორც ვებ საიტების ტესტირების დროს, ასევე, მობილური აპლიკაციების (Android / iOS) და API -ის შემთხვევაში;
• ციფრული პროდუქტების განვითარების საფეხურებსა და ტესტირების როლს თითოეულ ეტაპზე;
• რისკების ანალიზსსა და მათი მენეჯმენტის ტექნიკებს;
• სწორი შეფასებების მიწოდებას სატესტო დავალებებისთვის;
• ხარვეზების მენეჯმენტსა და სასიცოცხლო ციკლს;
• SDLC პოპულარულ მოდელებსა და მათ განსხვავებებს და საჭიროებებს;
• Agile/Scrum მეთოდოლოგიის მთავარ საფუძვლებს;
• ეფექტური ტესტ ქეისების მოფიქრებასა და შედგენას ტესტირების ტექნიკების გამოყენებით;
• სატესტო მონაცემების (Test Data) მომზადება მონაცემთა ბაზების დახმარებით;
• ტესტირების პროცესში ყველა საჭირო დოკუმენტის შექმნას;
• განსაზღვრონ ტესტ ავტომატიზაციის საჭიროებები;
• ავტომატიზირებული ტესტების შექმნას JavaScript -ის გამოყენებით;
• პროექტში ჩართვას ტესტირების ყველა ეტაპზე.

სასწავლო კურსის მოთხოვნები

• ინგლისური ენის ცოდნა საშუალო დონეზე - (B1+) საკითხავი მასალების დამუშავებისთვის;
• კარგი ანალიტის უნარი და მზადყოფნა სალექციო პრაქტიკულ დავალებებში ჩართულობისთვის;
• უნდა იყო თვითგანვითარებაზე ორიენტირებული და შეგეძლოს დამატებითი მასალების გარჩევა;
• მომხმარებლის დონეზე თავისუფლად შეგეძლოს მობაილ და ვებ აპლიკაციების გამოყენება.

ლექტორების შესახებ

• თაკო აბრამაშვილს აქვს 6 წლიანი გამოცდილება IT სფეროში, ტესტირების სხვადასხვა მიმართულებებით. ბოლო 2.5 წელია მუშაობს კომპანია  EPAM-ში, Lead Software Testing Engineer-ის პოზიციაზე. ჩართულია სხვადასხვა აქტივობებში, არის ტექნიკური ინტერვიუერი, მენტორი და გუნდის ლიდი. მისი სამუშაო გამოცდილებიდან პროექტების ძირითადი დომეინებია: Banking, e-commerce, Health, Big data;

• 3 წელი იკავებდა ტესტერის პოზიციას სფეისში და პასუხისმგებელი იყო 2 ქვეყნის პროექტზე;

• 1 წელი მუშაობდა ამერიკულ კომპანია mrkt.com-ში, გუნდის ხელმძღვანელის პოზიციაზე, სადაც მუშაობდა ელექტრონული გაყიდვების პლატფორმაზე.

• ლიდა ხუციშილს აქვს 5 წლიანი გამოცდილება ტესტირების მიმართულებით. წლების მანძილზე თანამშრომლობდაისეთ კომპანიებთან, როგორებიცაა: SweeftDigital, EPAM, CityWide Group;
• ამჟამად მუშაობს CityWide Group-ში ავტომატიზაციის მიმართულებით და პროექტის ფარგლებში პასუხისმგებელია ხარისხის უზრუნველყოფის ყველა მიმართულებაზე.

მოწვეული ლექტორები

• SEO აუდიტი და ტესტირება - რატი გველესიანი

• ეფექტური პროფილის შექმნა (CV, რეზიუმე და LinkedIn) - ნუცა ცერცვაძე