3D გრაფიკა - Blender 3D-ს კურსის მიზანია სტუდენტებს ასწავლოს სამგანზომილებიანი გრაფიკის პრინციპები. მსმენელებს ეცოდინებათ სამგანზომილებიანი რედაქტორის - Blender-ის - გამოყენებით ობიექტებისა და სცენა-ვიზუალიზაციების აწყობა, ტექსტურირება და შემდგომ, მათი ციფრულ პროდუქტად გადაქცევა.

რას ვისწავლი?

• 3D რედაქტორში - Blender 3D-ში მუშაობას
• სამგანზომილებიანი მოდელირების პრინციპებს
• სხვადასხვა ტიპის გეომეტრიის წარმოდგენა-ვიზუალიზაციას
• PBR მატერიალების საფუძვლებს
• მატერიალების, UV პროექციებისა და ტექსტურირების პრინციპებს
• ფორმებისა და სცენების რედაქტირებას
• რენდერინგის ალგორითმების ციკლებისა და რეალურ დროში რენდერის პრინციპებს
• შუქ-ჩრდილებისა და პოსტ-პროცესინგის კონცეფციას
• Photoshop-ის საფუძვლები როგორც დამხმარე პროგრამული უზრუნველყოფას

რა მოთხოვნებს უნდა ვაკმაყოფილებდე?

• სასურველია ინგლისურის ცოდნა მინიმუმ B1 დონეზე.
• კომპიუტერთან მუშაობის ზოგადი გამოცდილება.
• დაკვირვებულობა, კონცენტრირებულობა, დამოუკიდებლად მუშაობის უნარი.

კურსის ტექნიკური წინაპირობები:

• Windows 8.1, 10, 11 | macOS 10.13+ | Linux
• სასურველია ლეპტოპი ან პერსონალური კომპიუტერი შემდეგი მახასიათებლებით (მოკლე მონახაზი):
• პროცესორი (CPU) i3 მე-4 თაობა და ზევით, i5 – i7 მე-3 თაობა და ზევით ან ექვივალენტური AMD ან MAC
• ოპერატიული მეხსიერება მინიმუმ (RAM) 8GB და ზევით.
• დისკრეტული ვიდეო ბარათი (Discrete, Dedicated GPU) 2GB ან მეტი ვიდეო მეხსიერება OpenGL 4.3 მხარდაჭერით. NVIDIA ან ექვივალენტური AMD (ვიდეო ბარათის მოდელი არ უნდა იყოს 10 წელზე ძველი).
• ინტეგრირებული ვიდეო ბარათისთვის (Integrated GPU OpenGL 4.3) სასურველია intel-ის მე-8 თაობის პროცესორების სერია და ზევით ან ექვივალენტური AMD.
• ამომწურავი ტექნიკური ინფორმაციისთვის ეწვიე ბმულს

ვის შეუძლია კურსის გავლა?

სამგანზომილებიანი გრაფიკით დაინტერესებულ ადამიანებს, ვინც აკმაყოფილებს ზემოთ ჩამოთვლილ მოთხოვნებს.

ლექტორის შესახებ

• გელა პატარია არის შავი ზღვის საერთაშორისო უნივერსიტეტის მოწვეული ლექტორი, საძიებო სისტემების ფრილანსერი, ანალიტიკოსი. 
• იხილე გელა პატარაიას პორტფოლიო: https://www.behance.net/gelapataraia