მარკეტინგი და თანმიმდევრული კომუნიკაცია არის პრაქტიკული კურსი დამწყები მარკეტერებისთვის და ასევე, ყველა იმ ადამიანისთვის, ვისაც მარკეტინგის სფეროში მოგზაურობა საინტერესო თავგადასავლად მიაჩნია.

სტუდენტები ჩაუღრმავდებიან იმ გამოწვევებსა და შესაძლებლობებს, რაც მარკეტერისა და კრეატიული სააგენტოს კამპანიებზე ერთად მუშაობის პროცესში ჩნდება. კურსის დასრულების შემდეგ, სტუდენტი მზად იქნება კამპანიების დაგეგმვა-განხორციელებისა და კრეატიულსააგენტოებთან ეფექტიანი თანამშრომლობისთვის.

სასწავლო კურსის შედეგები:

• პრაქტიკული მარკეტინგი და თანმიმდევრული კომუნიკაციის კურსის გავლის შემდეგ, სტუდენტებს შეეძლებათ კამპანიების დაგეგმვა/განხორციელება და კრეატიულ სააგენტოებთან ეფექტიანი თანამშრომლობა; 
• სტუდენტებს შეეძლებათ მარკეტინგული სტრატეგიის შემუშავება და თანმიმდევრული კომუნიკაციის დაგეგმვა საბაზისო დონეზე. 

სასწავლო კურსის მოთხოვნები: 

• სტუდენტი უნდა ფლობდეს ინგლისურ ენას იმ დონეზე, რომ შეძლოს ინგლისურენოვანი მასალის წაკითხვა და გარჩევა.

ლექტორის შესახებ: 

• ქეთი მეფარიძე LEVEL C-ს (ბრენდინგის საერთაშორისო პროგრამის) სერტიფიცირებული ბრენდის სპეციალისტი და მარკეტერია;
• ქეთის გამოცდილება მოიცავს პროექტებს დაკავშირებულს ბრენდის შენებასთან, თანმიმდევრულ კომუნიკაციებთან და სარეკლამო ინდუსტრიასთან;
• ქეთის მარკეტინგის მიმართულებით სხვადასხვა წლებში უმუშავია ისეთ დიდ ბრენდებთან, როგორიცაა: თიბისი, საქართველოს ბანკი, კრეატიული სააგენტო „ლივინგსტონი“, ტერაბანკი და ა.შ.;
• ტერაბანკში რამდენიმეწლიანი სამუშაო გამოცდილებიდან, აღსანიშნავია, ქეთის განხორციელებული პროექტი „ტერაბანკი ბიზნესის მხარდასაჭერად“, რომელიც 2020 წელს საქართველოს პასუხისმგებელი ბიზნესის კონკურსის Meliora-ს ერთ-ერთი მთავარი ნომინაციის გამარჯვებული გახდა;
• ქეთი ავტორია მოთხრობების კრებულის „მეზობლად“, რომელიც პრემია „ლიტერას“ ფინალში გავიდა. იგი სხვადასხვა ლიტერატურული კონკურსის გამარჯვებულია, მათ შორის, „შემოდგომის ლეგენდა“, „ინსომნია“, „ალუბლობა“ და სხვა.